إنزلي يا مطر
مسحي دموع الحزين بالفرح لشوفتك
من زمان ما مريتي عندنا
إنزلي و خلينا نشربك و حن نبتسم من زيارتك
خلي الأطفال يفرحون و هم يلعبون تحتك
يبون يستمتعون
هديهم من صياحهم ترى فالأطفال ما في إلا البراءة
نزلي و فرحي الكبير
يمشي تحتك و هو فرحان
نزلي عشان ما نجف مثل التراب إلي ما يوصله قطرة ماي
نزلي نبى نشوفك
نبى النور يطلع من وجوهنا و حن نشوفك تنزلين
تدرين إنه أحلى وقت في الشتاء شو هو
إنك تنزلين عندنا
عشان يأجزونا و نقدر نشوفك تنزلين و حن نبتسم
و نترك أولادنا يلعبون تحتك و هم يضحكون ببراءة
ترى مو كل مره نشوفك
أنزلي أكثر و خلينا نحس بالماي ينزل فوق راسنا
نقاطك إلي الله سبحانه و تعالى خلقك عشان تروينا و تتركينا نحيا
نزلي و لا تروحين
نبى نشوفك إنتي بس تزورينا مرتين فالسنة و في وقت
حن نباج أكثر تقعدين
نشوفك و إنتي تنزلين
يالله كيف إشتقت إني أنزل و ألعب تحتك و أضحك ضحكة بريئة و إنتي تنزلين فوق راسي
أرجوكي
لا تروحين عنا
جلسي ترى زيارتك غالية عندنا
نزلي و لا تروحين عنا
أبى أصحى على صوتك
يكفي العناء إلي في قلبي
نزلي و خليني أشوفك
أبى أشوفك باكر
عشان أركض تحتك و أرفع راسي فوق و كأني أحاول أشربك
أرجوكي
لا تروحين
شوفي الطفل هذا كيف قاعد يبكي
ما يباج تروحين
و أني بعد
من تنزلين عندنا تكونين شيء ثمين
لأنك مو دايما تجين
هذي توسلاتي و توسلات الصغار
نباج تقعدين و يانا و حتى الكبار يبونك
الأرض من بعد ما يكون صحراء
بعد كمن يوم بنلاقيه أخضر إن شاء الله
من بعد ما سقيتيه بنزولك
هذي تسولاتنا
و إن شاء الله بتبقين لحد باكر معنا
No comments:
Post a Comment