تقدر إذا بغيت

لا تضيع حالك ورا أحلام زاىفة, قوم و فكر إبدع, حتى إن وقف الناس قدام وجهك بسبب نظريتك إلي يعتقدون إنك ما تقدر تثبتها لهم إلا مع الزمن, دائما كل أحد يوم يحاول يسوي شيء إبداع في بعضهم يوقفون بوجه الشخص حتى ما يقدر يكمل إبداعه, لكن مع الزمن يقدر. كل أحد و نظريته, لكن إذا شيء تقدر تسويه فسويه, حتى و إن وقف كل العالم ضدك, و تعرف إنه الإثبات ينفع, و لو عندك قوة الإرادة, فتقدر توصله مهما كان. الإبداع ما شرط يكون الفن, و لكن ممكن في أشياء ثانية, مثلا تكون تكتب أغاني, أو مقطوعات موسيقية بشتى الألات الموسيقية, شوف بيتهوفن ما يسمع لكن كتب مقطوعات موسيقية كلاسيكية, يعني حتى الصم و قدر يسوي شيء إلي يسمع ما يعرف كيف سواه, لأنه كان أصم. تقدر حتى تخترع جهاز يستفيد منه الناس, مثل التلفون, منو إلي ما إستفاد منه؟

حتى أفقر الناس يستخدمون التلفون. مثل هذي الأشياء تقدر تبدع, تستخدم عقلك. إذا ما إستخدمته وركنته بيتصدى, لو عندك قوة الإرادة تقدر تسويه, و أدري عندك أشياء ممكن تبدع فيه, كل شخص عنده ميزة بس في بعضهم ما يستخدموا, و البعض ما يحصلون فرصة ينموا فيه إبداعهم, و في إلي يحصلون و عندهم قوة إرادة يبدعوا. إنت لا تكون من إلي ما يريدون, خلي يكون عندك إبداع, و إذا ما حصلت دور لين ما تحصل.